Кулун тутар 12 күнүгэр биһиги оскулабытыгар суруйааччылар ыалдьыттаатылар. Бу тэрээһин Литература сылын чэрчитинэн, биһиги оскуолаҕа ыытыллыбыт Саҥа дьыллааҕы Литературнай Х1Х үйэтээҕи баал ситимэ буолла. Тохсунньу 26 күнүгэр оскулабыт үөрэнээччилэрэ, учууталлара, үлэһиттэрэ /80 киһи/ Суорун Омоллоон аатынан опера уонна балет театырыгар киирэн республикаҕа литература сылын арыллыытыгар ситиһиилээхтик кыттыбыппыт. Бу үтүө тэрээһиҥҥэ харда буолан проект салайааччыта Харайбатова О.М. Дьокуускай куорат улахан биһиги ытыктыыр суруйааччыларбытын, поэттарбытын салайан кэллэ.

Дьокуускай куораттан улахан биһиги ытыктыыр суруйааччыбытын, поэттарбытын салайан кэллэ – Харайбатова Ольга Михайловна – Россия культуратын үтүөлээх үлэһитэ, юридическай наука кандидата, СР министерствотын духовнай сайдыыга уонна профессиональнай искусство департаменын салайааччыта.

Харлампьева Наталья Ивановна – СР народнай поэта, СР суруйааччыларын союһун правлениятын салайааччыта, Казахстан республикатын “Алаш” литературнай премия лауреата, Россия суруналыыстарын союһун правлениятын 1988 с чилиэнэ.

Попов Семен Андреевич – тумат – поэт, прозаик, критик, СР народнай суруйааччыта, СР культууратын үтүөлээх үлэһитэ. 1993 с Россия суруналыыстарын союһун чилиэнэ.

Слепцова Елена Васильевна – Куорсуннаах – Россия суруналыыстарын союһун чилиэнэ, Аан дойду 1-кы Намжила Нимбуев аатынан поэтическай турнир кыайыылааҕа. 2014 с Ср П.А.Ойуунускай аатынан Государственнай премия лауреата.

Оскуолабыт үөрэнээччилэрэ уус-уран ааҕааччыларын поэт М.Ю.Лермонтов, С.С.Васильев-Борогонскай айымньыларын анаатылар, “Утаһын” фольклорнай бөлөх, “Өлүөнэ кытыла” үҥкүү ансаамбыла, ырыа учуутала Филипп Габышев, “Долгураҥ” үлэһиттэр вокальнай түмсүүлэрэ эҕэрдэ нүөмэрдэри биэрдилэр.

Ол кэннэ ыалдьыттарбыт кэрэхсээннэр кэпсээннэрин, айар үлэлэрин, хоһооннорунааҕалларын олус сэҥээрэн, сэргээн иһиттибит. Үөрэнээччилэр кэпсэтигэ кыттыһан ыйытыылары биэрдилэр. Оскуола библиотекатын биирдиилээн ааҕааччылар кинигэлэригэр автордар автограф суруйан үтүө өйдөбүнньүктэри хааллардылар.

Н.ИХарлампьева, Е.В.Слепцова – Куорсуннаах, Сэмэн Тумат билибиотекаҕа кинигэ бэлэхтээтилэр. Харайбатова О.М. “Музыка для всех” проегы кэпсээн. Салгыы бииргэ үлэлииргэ ыҥырда.

Салгыы бу делегация Суотту нэһилиэгин общественноһын кыта көрүстэ, ЛГИАК “Дружба” сылдьан быйылгы тэрээһини билистэ.