Балаҕан ыйын 27-с күнүгэр, Саха Республикатын государственноһынкүнүгэр, биир дойдулаахпыт, поэт, публицист, государственнай уонна общественнай деятель, П.А. Ойуунускай аатынан государственнай литературнай бириэмийэ лауреата С.С. Васильев-Борогонскай төрөөбүтэ 110 сылыгар аналлаах "Сэргэйбит көмүс күһүнэ" диэн ааттаах тэрээһини Суотту орто оскуолата поэт скверигэр киэҥ далааһыннаахтык тэрийэн ыытта. Бэлиэ күҥҥэ анаан учууталлар, үөрэнээччилэр сквери саҥардар үгүс үлэни ыыттылар, мас олортулар. Тэрээһиҥҥэ улуус Баһылыгын солбуйааччы М.В. Борисов, Суотту нэһилиэгин Баһылыга В.И. Иванов, поэт аатын үйэтитэр үгүс үлэни ыыппыт энтузиаст-учуутал Р.Р.Кулаковская, поэт кыыһа Вера Сергеевна о.д.а. тыл эттилэр, ахтыы  оҥордулар. Үөрэнээччилэр поэт хоһооннорун, төрөөбүт Суоттутун туһунан дьүһүйүүнү аахтылар.

Бу тэрээһин 8-11 кылаас үөрэнээччилэригэр чаҕылхай биир дойдулаахпыт олоҕун, айар үлэтин   кытта билсиһэр  Васильевскай кылаас  чааһын быһыытынан ыытылынна.