Улууспут оскуолаларын икки ардыларыгар араас саастаах оҕолорго кыргыттарга, уолаттарга волейбол күрэхтэһиилэрэ буолан аастылар. Ол курдук бу дьыл тохсунньу 13 кунугэр 2001-2002 сыллаах төрүөх уолаттарга уопсайа 11 хамаанда кыттан биһиги уолаттарбыт 3 миэстэни ылан мэдээллээх кэллилэр. Хамаанда састаабыгар 9-10 кылаас үөрэнээччилэрэ кытыннылар. Хамаанда сүрүн оонньооччулара: Петухов Сеня, Свинобоев Алик, Сокольников Нюргун, Шестаков Володя, Орлов Ариан, Охлопков Ваня, Васильев Павел оонньоотулар. Онтон орто саастаах 2003-2004 төрүөх сылларга 7 хамаанда кытынна. Биһиги уолаттарбыт эмиэ үһүс бириистээх миэстэҕэ тигистилэр, ол курдук хамаанда састаабыгар 7-8 кылаас уолаттарыттан – Свинобоев Валера, Габышев Аркадий, Гоголев Женя, Заболоцкай Кирилл, Охлопков Вася, Сыроватскай Айтал кыттан мэдээллээх кэллилэр. Кыргыттарга эмиэ икки күн устата курэхтэһии салҕанан ыытыллынна. Ол курдук бастакы күҥҥэ улахан кыргыттарга 2001-2002 сылларга иккис миэстэни ылары ситистилэр. Хамаанда чилиэннэрэ: капитан 11 кылаас үөрэнээччитэ Алина Абрамова, сүрүн оонньооччулар Надя Бочкарева, Лилиана Гоголева, Эвелина Сивцева, Маша Бочкарева, Ангелина Добрецова уонна Саша Кириллина, Саша Белолюбская курэхтэстилэр. Уопсайа 7 хамаанда кытынна. Бастакы миэстэҕэ Танда ДЮСШ-тын волейболга хамаандатын кыргыттара, онтон үьүс миэстэҕэ Найахылар таҕыстылар. Иккис күн орто саастаах кыргыттар күрэхтэригэр эмиэ 7 хамаанда кыттыыны ылла, манна 2003-2004 с. оҕолор күрэхтэстилэр. Биһиги кыргыттарбыт олус таһымнаах, кытаанах киирсиилэри ааһан үһүс бириистээх миэстэҕэ тигистилэр. Хамаанда састаабыгар 6,7,8 кылаас кыргыттара оонньоотулар: капитан - Ангелина Добрецова, сүрүн оонньооччулар - Арчыына Алексеева, Лена Парникова, Сергеяна, Катя Заболоцкаялар, Эльвина, Вероника Сивцевалар. Бастакы миэстэ Танда, иккис миэстэ Найахы кыргыттара буоллулар.
Бу күрэхтэһиини улуус үөрэҕин управлениета тэрийэн ыыта сылдьар. Улууспут сүрүн күүстээх хамаандалара - уолаттарга Танда, Бээрийэ оскуолатын оҕолоро үрдүк таһымнаах оонньуулары көрдөрдүлэр. Танда хамаандата улууспут ДЮСШ-тын иһинэн филиаллаах оскуола буолар, кинилэр волейболга республикаҕа биир бастыҥ күүстээх хамаанда быһыытынан биллэллэр, улууспут бастыҥ волейболистарынан буолаллар. Биһиги оҕолорбут күүстээх, үчүгэйдик оонньуур оҕолору кытта билсэн, көрөн үөрэнэн, бииргэ күрэхтэһэн кэллилэр. Улахан саастаах уолаттарбыт олох тэҥҥэ кииристилэр (“улуус тренердэрэ уолаттаргыт таҺымнара быдан үрдүк” диэн хайгаан эттилэр), онон оҕолорбут элбэхтэ күрэхтэһэн, опытырдахтарына оонньууллара өссө үрдүк таһымҥа тахсыа диэн эрэнэбит. Улуус суумэрдэммит хамаандатыгар, биьиги оскуолаттан үс уол хамаанда састаабыгар киирдилэр: Сеня Петухов, Сандал Яковлев уонна Алик Свинобоев. Кинилэр кэлэр ыйга Амма улууҺугар республиканскай оҕолор күрэхтэригэр волейболга кытта барар былааннаахтар.
Улууска бастаабыт хамаандалар республика иһинэн ыытыллар «Көтөр мээчик» күрэҕэр кытта бараллар. |