Үөрэнээччилэр үөрэтэр-чинчийэр үлэлэрин тэрийии үөрэхтээһин программатын биир улахан соруга буолар. Бу хайысха общество уонна төрөппүт үөрэхтээһиҥҥэ сакааһын толоруу чэрчитинэн барар. Үөрэтэр-чинчийэр үлэҕэ кыттыһар  оҕо толкуйдуур, айар, араас тылынан кэпсиир, кэпсэтэр дьоҕура сайдарыгар, араас араҥа дьону кытта алтыһарыгар көмө буолара мэлдьэҕэ суох.

       «Инникигэ хардыы» научнай-практическай конференция Россия таһымнаах тэрээһин. Улуус, регион, республика этаптарын ситиһиилээхтик ааспыт оҕолор бүтүн Россиятааҕы уонна өссө Аан дойдутааҕы конференцияларга, форумнарга, күрэхтэргэ кыттар быраабы ылаллар.

       Быйыл биһиги оскуолаттан улуустааҕы этапка 15 учуутал 27 үөрэнээччини бэлэмнээн кытыннарда. Олортон Васильев Павел – лауреат, Сокольников Ньургун уонна Гоголева Лилиана, Максимова Айта, Яковлев Сандал 1 степеннээх, Яковлева Сандаара, Петухов Сеня,  Степанова Санаайа, Ушницкий Афоня, Ермолаев Саша уонна Колесова Вика 2 степеннээх, Новоприезжая Диана 3 степеннээх дипломнарынан наҕараадаланнылар, Охлопкова Маша, Сивцева Эва, Черкашин Толя, Гоголева Далия, Парникова Лена биһирэбил ыллылар. Бэйэлэрин секцияларыгар Орлов Ариан, Бочкарева Надя  көхтөөхтүк кытыннылар. Аммаҕа региональнай этапка ситиһиилээхтик кыттан, республикаҕа аастылар Яковлев Сандал (сал. Бекянов ИИ), Сокольников Ньургун (сал. Сокольникова ЕВ), Петухов Сеня (сал. Петухова ИМ), Новоприезжая Диана (сал. Григорьева МВ), Ушницкий Афоня (Бурнашев ВН), Ермолаев Саша уонна Колесова Вика (Бурцева МВ).

       Тохсунньу ыйга Дьокуускай куоракка ыытыллыбыт “Инникигэ хардыы” научнай-практическай конференция бүтэһиктээх түһүмэҕэр Сокольников Ньургун, Новоприезжая Диана  3 миэстэ буоллулар. Колесова Вика, Ермолаев Саша 3 миэстэ буолан, саас Ярославль куоракка бүтүн Россиятааҕы конференцияҕа кыттар чиэскэ тигистилэр.

       Үөрэтэр оҕолорбутугар уонна кинилэр үөрэтэр-чинчийэр үлэлэрин салайбыт учууталларбытыгар өссө да элбэх, үрдүк ситиһиилэри баҕарабыт.

В.М. Бурнашева